QËNDRUESHMËRIA

Angazhimi i Aboca ndaj të Mirës së Përbashkët

 

Në kohë si këto, kur fjala “qëndrueshmëri” rrezikon të nënvlerësohet, është thelbësore të projektojmë të ardhmen me modele dhe veprime që janë vërtet të tilla, pasi tani ne jemi më të vetëdijshëm se kurrë se e mira individuale nuk mund të ndahet nga e mira e përbashkët.

Për më shumë se 40 vjet, Aboca ka provuar se një e ardhme e qëndrueshme është e mundur.

Ne besojmë se një biznes mund të jetë i suksesshëm vetëm nëse mund të kombinojë rritjen ekonomike, drejtësinë sociale dhe respektin për natyrën.

Kjo është arsyeja pse zgjodhëm të bëhemi një Benefit Corporation, një status i ri ligjor i korporatës i prezantuar në vitin 2016 në Itali, vendi i parë në botë pas Shteteve të Bashkuara.

Brenda statutit tonë si Benefit Corporation, ne kemi përfshirë gjashtë objektiva të përfitimit publik, përbri qëllimit tradicional të fitimit.

Për të adoptuar këtë model, kemi formalizuar angazhimin tonë për të ndjekur të Mirën e Përbashkët në statutin tonë, duke shtuar gjashtë qëllime të përfitimit publik atij tradicional të gjenerimit të fitimit:

Promovimin e shëndetit dhe mirëqenies së njerëzve

Kërkimin dhe zhvillimin e vazhdueshëm në komplekseve molekulare natyrore dhe shkencërisht të avancuara

Krijimi i modeleve të reja të zinxhirit të furnizimit të bazuar në përfshirjen aktive të partnerëve tanë dhe komunikimi i vlerave tona

Promovimi i praktikave respektuese që përmirësojnë ekuilibrin dhe diversitetin e ambientit

Një fokus konkret në zhvillimin kulturor, social dhe ekonomik të komuniteteve në të cilat operojmë

Vlerësimi i njerëzve që punojnë me ne

Ne e masim kontributin tonë në secilin prej këtyre qëllimeve çdo vit duke prodhuar një Raport Ndikimi, i cili na ndihmon të përcaktojmë planin tonë vjetor të përmirësimit.

Informativa për certifikimin
“Certified B Corporation” është një markë tregtare e licencuar nga B Lab, një organizatë private jofitimprurëse, për shoqëri si e jona që kanë përfunduar me sukses Vlerësimin e Ndikimit B (“BIA”) dhe për këtë arsye plotësojnë kërkesat e përcaktuara nga B Lab për performancë sociale dhe ambientale, përgjegjësi dhe transparencë.
Specifikohet se B Lab nuk është një organ vlerësimi i konformitetit siç përcaktohet nga Rregullorja (BE) Nr. 765/2008, as nuk është një organ standardizimi kombëtar, evropian ose ndërkombëtar sipas Rregullores (BE) Nr. 1025/2012.
Kriteret e BIA-s janë të dallueshme dhe të pavarura nga standardet e harmonizuara që rezultojnë nga normat ISO ose nga organet e tjera të standardizimit, dhe ato nuk janë ratifikuar nga institucionet publike kombëtare ose evropiane.

Për të mirën e përbashkët

Një mënyrë e re e të bërit biznes tani ka një emër të ri, Benefit Corporation.

Aboca vlerëson ndikimin e saj nëpërmjet B Impact Assessment, një standard ndërkombëtar. Ky mjet përdoret në bazë vullnetare dhe i ka mundësuar shoqërisë të arrijë certifikimin B Corp, me 124.2 pikë. Ky është një rezultat i jashtëzakonshëm duke pasur parasysh se BIA është përdorur nga më shumë se 300,000 shoqëri në mbi 102 vende në të gjithë botën, por vetëm 3 përqind kanë tejkaluar 80 pikët, që është pragu minimal për të arritur procesin e verifikimit B Lab.

Si një B Corp, ne jemi pjesë e një lëvizjeje globale të shoqërive që i përmbahen standardeve të larta përsa i përket aspektit të ndikimit pozitiv në shoqëri dhe ambient. Mund të gjeni më shumë detaje rreth certifikimit B Corp të Aboca-s dhe atij të shoqërive të tjera në Grup në portalin zyrtar të certifikimit B Corp.

Për të vlerësuar kontributin e shoqërisë, Aboca e ka matur veten duke përdorur SDG Action Manager, një platformë online e krijuar nëpërmjet bashkëpunimit ndërmjet organizatës jofitimprurëse amerikane B Lab dhe KB Global Compact Network.
Analiza tregon se Aboca shkëlqen në arritjen e SDG-ve të mëposhtme:

Zbuloni më shumë rreth kontributit të Aboca për secilin objektiv të zhvillimit të qëndrueshëm në Raportin tonë të Ndikimit.